كوكيز بقطع الشوكولاته

لا تنسو متابعتنا على صفحتنا على الفيسبوك لالة فاتي

مقادير تحضير كوكيز بقطع الشوكولاته

200 xجرام زبدة
2 xكوب دقيق
2 xعدد بيضة
1.5 xكوب قطع شيكولاتة (خام أو قطع شيكولاتة مخصوص ل
1 xمعلقة صغيرة كاكاو (اختيارى)
1 xمعلقة صغيرة كربونات الصوديوم
0.5 xكوب سكر (بنى)
0.5 xمعلقة صغيرة فانيليا (سائلة أو بودر)
0.5 xكوب سكر (أبيض)

طريقة تحضير كوكيز بقطع الشوكولاته

فى بولة كبيرة هنضيف الزبدة والسكر الأبيض والسكر البنى ونضربهم كويس بالمضر الكهربائى لمدة 5 دقائق ومهم جدا الزبدة تكون طرية (فى درجة حرارة الغرفة)
بعد 5 دقائق وأثناء الخفق هنضيف أول بيضة ونضربها كويس مع الخليط لمدة دقيقتين وبعدين نضيف تانى بيضة وهنضيف الفانيليا ونستمر فى الخفق لحد ما الخليط يتحول لكريمة متجانسة
بعد كده فى بولة تانية هنضيف الكربونات والكاكاو للدقيق وننخله مرتين.
هنضيف الدقيق للخليط بالتدريج مع الخفق لحد ما العجينة تتماسك.
هنضيف قطع الشوكولاتة للعجين ونقلبهم كويس بمعلقة.
باستخدام مغرفة أيس كريم هنغرف كرات العجين ونضيفها لصاج مدهون بالزيت ولازم نراعى اننا نسيب مسافات كافية بين كرات العجين علشان بتفرد فى الفرن.
هنضغط باليد على كرات العجين بحيث تصبح مسطحة قليلا ومنقلقش من السمك لأنها بتتفرد مع حرارة الفرن.
هندخل الصاج الفرن على درجة حرارة 180 مئوية لمدة 12 دقيقة فقط وممكن نحاول نرفع الكوكيز بمعلقة للتأكد من انها استوت من تحت فقط لأنها اذا طولت فى الفرن ممكن تنشف وتتحرق من فوق وده طبعا غير مطلوب.
بعد تسوية الكوكيز ممكن نزينها بغمر نصفها فى شوكولاتة سايحة ونضيف عليها زينة الكيك الملونة.. بالهنا والشفا.