كانيلونى باللحمة المفرومة

المقادير

  • 1 عدد علبة عجينة كانيلونى جاهزة
  • ¼ كوب جبنة بارميزان (مبشورة)
  • *مقادير صوص البشاميل*
  • 4 ملعقة كبيرة دقيق
  • 4 ملعقة كبيرة زبدة (مكعبات)
  • 2 ملعقة كبيرة زعتر (فريش)
  • 2 عدد ورق لورا
  • 1 ملعقة صغيرة ملح
  • 1 لتر لبن كامل الدسم
  • 1 عدد حباية جزر (مقطعة لقطع كبيرة)
  • 1 عدد بصلة (مقطعة لقطع كبيرة)
  • ½ ملعقة صغيرة حباية جوزة الطيب (مبشورة)
  • *مقادير تعصيج اللحمة المفرومة*
  • 2 ملعقة كبيرة سمن (أو زيت)
  • 1 عدد فص ثوم (مفروم)
  • 1 ملعقة صغيرة بهارات لحمة
  • 1 ملعقة صغيرة فلفل اسود مطحون
  • 1 ملعقة صغيرة ملح
  • 1 عدد بصلة
  • ½ كيلو لحمة مفرومة

طريقة التحضير

1

تحضير البشاميل يكون خفيف القوام*

2

فى حلة على النار هنضيف اللبن والجزر والبصل واللورا والزعتر ونسيبه يغلى وبعدين نصفيه من المكونات ونسيبه يبرد.

3

فى حلة على النار هنسيح الزبدة ونضيف الدقيق ونقلب كويس لحد ما الخليط يتجانس.

4

هنضيف اللبن تدريجيا على الزبدة والدقيق ونقلب كويس وبسرعة لحد ما قوام الصوص يتماسك ويبدأ يغلى وبكده يبقى الباشاميل جاهز

5

*هنحضر اللحمة المفرومة*

6

هنقطع البصلة مكعبات صغيرة.

7

فى حلة على نار متوسطة هنضيف معلقتين سمنة ونضيف البصل ونقلبه كويس لحد ما يتحول للون الذهبى.

8

هنضيف فص الثوم المفروم ونقلب كويس.

9

هنوطى النار ونضيف اللحمة ونفتتها كويس بمعلقة خشب.

10

هنضيف البهارات و الملح و الفلفل ونقلب كويس لحد ما اللحمة يبقى لونها بنى فاتح.

11

هنسيب اللحمة على نار هادية وهنقلبها كل شوية لحد ما تنزل ميتها وتشربها تانى.

12

**قبل ما نحشى عجينى الكانيلونى لازم نتأكد ان اللحمة المفرومة بردت لأنها لو سخنة هتبوظ العجينة**

13

هنجيب الصينية البايركس ونضيف شوية بشاميل وبعدين هنبدأ نحشى العجينة, هنسدها من ناحية بإدينا من تحت ونحشيها باللحمة المفرومة باستخدام معلقة صغيرة لحد ما نملاها وبعدين نرصها فى الصينية.

14

بعد ما نرص كمية الكانيلونى كلها هنضيف باقى البشاميل فوق الكانيلونى وبعدين نضيف الجبنة المبشورة.

15

هندخل الصينية الفرن على درجة حرارة 180 لمدة 20 دقيقة وبالهنا والشفا.

تعليقات الزوار ( 0 )

اترك تعليقاً

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.