ساندويتش الآيس كريم

من ألذ الوصفات بالنسبة للأطفال وللكبار هي أكل الآيس كريم ؛ لأنها من أهم وأروع الوصفات وأفضلها، خصوصاً بالنسبة للأطفال، وعند عملها نجد عدة طرق لتحضيره وتزيينها.فالتنويع سيجعل الأطفال كل مرة يطلبون تكرار هذه الحلويات لمرات ومرات عديدة ومتكرر. وسنستعرض طريقة رائعة تتمثل في ساندويتش الأيس كريم .
لا تنسو متابعتنا على صفحتنا على الفيسبوك لالة فاتي

مقادير تحضير ساندويتش الآيس كريم

2 xعدد صفار بيضة
2 xكوب دقيق
1.5 xكوب سكر
1 xكوب ايس كريم (النوع اللي تفضليه)
1 xكوب زبدة
1 xمعلقة صغيرة فانيليا
0.5 xكوب كاكاو
0.25 xمعلقة صغيرة ملح

طريقة تحضير ساندويتش الآيس كريم

هنسخن الفرن على درجة حرارة 180
هننخل الدقيق والكاكاو والملح كويس فى بولة ونسيبهم على جنب.
فى بولة تانية هنضرب السكر والزبدة كويس بمضرب بيض كهربائى لحد ما يتجانسوا كويس.
هنضيف صفار البيض والفانيليا لخليط الزبدة مع الاستمرار فى الخفق لحد ما الخليط يتجانس تماما.
هنخفض سرعة المضرب ونستمر فى الخفق مع اضافة الدقيق بالتدريج لحد ما العجين يتماسك كويس وبعد كده هنقسم العجينة نصفين و نشكلهم على شكل مستطيل.
هنلف العجين فى بلاستيك ويدخل الثلاجة لمدة 20 دقيقة.
هنفرد العجين بالنشابة ونقطعه على شكل مستطيلات.
باستخدام عود خشبى (خلة) هنعمل ثقوب فى العجين على مسافات متساوية.
هنرص قطع العجينة على ورق زبدة فى صينية وتدخل الفرن على درجة حرارة 180 لمدة 15 دقيقة.
بعد ما يخرج البسكوت من الفرن هنسيبه يبرد شوية وننقله فى طبق ونسيبه يبرد تماما.
باستخدام سكينة حادة هنقسم الأيس كريم لقطع مستطيلة بنفس حجم قطع البسكوت وهنضيف طبقة من الأيس كريم بين طبقتين من البسكوت لعمل الساندويتش.
هنلف كل ساندويتش بالبلاستيك ويدخل الفريزر لمدة نصف ساعة وبعدها يقدم.. بالهنا والشفا.