بطاطس كروكيت بالجبنة

المقادير

  • اربع حبات بطاطس مسلوقة
  • 2 معلقة صغيرة بودرة ثوم أو بصل
  • بيضة
  • كوب بقسماط مطحون مبهر
  • بياض بيضة
  • كوب دقيق
  • نصف معلقة صغيرة فلفل اسود
  • نصف كوب جبنة رومي أو شيدر مبشورة
  • نصف معلقة صغيرة ملح
  • ربع كوب لبن

طريقة التحضير

1

هنقشر البطاطس ونهرسها كويس جدا فى بولة كبيرة

2

هنضيف على البطاطس بياض البيضة والجبنة المبشورة وربع معلقة فلفل اسود وربع معلقة ملح ومعلقة صغيرة ثوم أو بصل بودر وممكن الاتنين

3

هنضرب المكونات كويس جدا بمضرب بيض لحد ما تبقى عجينة متماسكة ونعجنها على شكل كره وتدخل الثلاجة لمدة ساعة

4

هنحضر طبق فيه دقيق وطبق فيه بقسماط

5

هنحضر بولة فيها بيضة على ربع كوب لبن وعليهم باقى الملح والفلفل والثوم أو البصل البودر ونضربهم كويس بمضرب بيض

6

بعد كده هناخد من عجينة البطاطس قطعة صغيرة وهنشكلها على شكل كرة أو أصابع حسب الرغبة وهنحطها فى الدقيق الأول تاخد طبقة دقيق وبعدين نحطها فى خليط البيض و بعدين نغلفها بالبقسماط المطحون كويس ونحطها فى طبق فاضى

7

بعد ما ننتهى من تغليف البطاطس بالبقسماط هندخل الطبق الثلاجة لمدة نصف ساعة علشان البقسماط يمسك وميفكش مع القلى

8

بعد كده فى طاسة غويطة فيها زيت غزير ساخن هنقلى البطاطس لحد ما تتحول للون الذهبى وطبعا بعدها هنصفيها من الزيت وتصبح جاهزة للتقديم

تعليقات الزوار ( 0 )

اترك تعليقاً

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.