بطاطس فريسكس

مقادير تحضير بطاطس فريسكس

  • 2 معلقة كبيرة باكينج بودر

  • 2 معلقة كبيرة مايونيز (للصوص)

  • 1 ½ معلقة صغيرة ملح (أو حسب الرغبة)

  • 1 كوب دقيق

  • 1 معلقة صغيرة كركم

  • 1 معلقة كبيرة كاتشب (للصوص)

  • ½ معلقة كبيرة زبادي (للصوص)

  • ½ معلقة صغيرة شطة (إختيارى)

  • ½ كيلو بطاطس

  • 1 عدد خيار (مخلل مقطع قطع صغيرة للصوص)

طريقة تحضير بطاطس فريسكس

  1. هنقشر البطاطس ونقطعها أصابع.

  2. فى بولة هنخلط الدقيق والشطة والكركم والملح والباكينج بودر جيدا مع القليل من الماء علشان تمسك فى البطاطس كويس.

  3. هنقلب البطاطس فى خليط الدقيق كويس وندخلها الثلاجة حوالى نصف ساعة قبل القلى.

  4. هنقلى البطاطس فى زيت غزير ساخن حتى تتحول للون الذهبى.

  5. لعمل الصوص هنخلط المايونيز والكاتشب والزبادى و الخيار المخلل كويس فى بولة صغيرة.

  6. هنقدم البطاطس مع الصوص.. بالهنا والشفا.